• Þú mátt byrja í ökunámi um leið og 16 ára aldri hefur verið náð.

• Þeir sem eru eldri en 16 ára geta hafið nám hvernær sem er!

• Ökuskírteini er gefið út í fyrsta lagi á 17 ára afmælisdegi.

• Nemandi sækir um námsheimild og ökuskírteini þegar 16 ára aldri er náð. Hlekkur á námsheimildina má finna hér. Þar inni velur nemandinn sér ökukennarann - "Haukur Páll Ægisson"

• Passamynd sem ekki er eldri en 6 mánaða þarf að fylgja umsókninni um námsheimild, henni þarf að skila til sýslumanns. ATH: námsheimild er ekki gild fyrr en mynd er skilað!

• Passamyndin þarf að vera á ljósmyndapappír í stærðinni 35x45 mm, með einlitum bakgrunni.

• Ef einni eða fleiri heilsufarsspurningum er svarað játandi í umsóknarferlinu þarf að skila inn læknisvottorði á skrifstofu sýslumanns.

• Þegar sýslumaður hefur gefið út námsheimild er haft samband við ökukennarann sinn - þá er hægt að hefja ökunámið!

Almenn ökuréttindi í B-flokki veita þér rétt til að aka fólks- eða sendibifreið sem er:

• 3.500 kg og léttari

• með sæti fyrir 8 farþega eða færri – auk ökumanns

• með eftirvagn 750 kg eða léttari

• með eftirvagn þyngri en 750 kg, svo lengi sem bifreið og eftirvagn eru ekki þyngri en 4.250 kg samtals

Með almenn ökuréttindi í B-flokki mátt þú líka aka:

• léttu bifhjóli (vespu og skellinöðru)

• bifhjóli á þremur eða fleiri hjólum (t.d. fjórhjóli)

• torfærutæki (t.d. vélsleða)

• dráttarvél

• vinnuvél í umferð (til að vinna á slíkri vél þarftu hinsvegar vinnuvélaréttindi)

Að loknum einum til tveimur ökutímum með ökukennara er nauðsynlegt að hefja bóklega námið í Ökuskóla 1.

o   Hægt er að velja um nokkra ökuskóla - Hér að neðan eru þeir ökuskólar sem ökukennarinn mælir með:

www.17.is

www.netokuskolinn.is

• Þegar Ökuskóla 1 er lokið ásamt að lágmarki 10 ökutímum með kennara er hægt að sækja um æfingaakstur. Æfingaakstur | Ísland.is (island.is) (ökukennari metur hvort nemandinn sé tilbúin til aksturs með leiðbeinanda.) Foreldri og/eða forráðamaður sækir um æfingaleyfi.

• Ökuskóli II er tekinn samhliða ökutímum 11, 12 og 13. Það er þegar þrír til fjórir mánuðir eru í 17 ára afmælið.

• Ökuskóli III Forsíða (okuskoli3.is)

  • Ökugerði (verklegt nám)
    Í ökugerði er líkt eftir hættulegum aðstæðum. Markmiðið er að nemandinnátti sig á hversu auðvelt og fyrirvaralaust er hægt að missa stjórn á bifreið, t.d. í hálku eða lausamöl.

    Fjallað er sérstaklega um:

    • öryggis- og verndarbúnað bifreiða

    • áhrif áfengis og annarra vímugjafa á aksturshæfni

    • áhrif þreytu á aksturshæfni

    • Skráning á námskeið

• Þegar nemandinn hefur lokið að minnsta kosti 10 verklegum ökutímum með ökukennara og lokið ökuskóla I má hann sækja um æfingaakstur með leiðbeinanda

  • Nánar um æfingaakstur er að finna hér

• Að loknu bóklegu ökunámi er hægt að panta tíma í bóklegt ökupróf.

• Bóklegt próf má taka tveimur mánuðum fyrir 17 ára afmælisdag.

• Frumherji hf. annast framkvæmd ökuprófa samkvæmt samningi við Samgöngustofu.
  Á vef Frumherja er hægt að panta tíma í prófið.

• Framkvæmd prófsins
  Bóklega prófið er tekið á spjaldtölvur. Prófið samanstendur af 50 fullyrðingum sem svara á rétt eða rangt. Spurt er um efni sem þú hefur lært í ökuskólanum og hjá kennara.
  Niðurstöður úr prófinu færðu strax við próflok. Svara þarf 46 fullyrðingum rétt til að standast prófið.

• Ef þú fellur á prófinu getur þú tekið það aftur að viku liðinni. Sama gjald er greitt fyrir hvert próf sem tekið er.

• Lespróf

  • Upplestur á prófinu er í boði fyrir alla.

• Túlkapróf

  • Prófin eru þýdd á hinum ýmsu tungumálum. Ef nemandinn talar ekkert af þeim tungumálum getur viðkomandi komið með túlk í prófið. Mikilvægt er að túlkur sé löggildur eða með samþykki frá Samgöngustofu.

• Prófreglur

  • Miklvægt er að kynna sér prófreglur Samgöngustofu og Frumherja.

• Verklegt próf má taka allt að 2 vikum fyrir 17 ára aldur. Ökukennarinn pantar verklega prófið eftir að nemandinn hefur staðist bóklega prófið.

  • Nemandinn þarf að hafa lokið 15-25 ökutímum með ökukennara + Ökuskóla I, II & III.

• Framkvæmd prófsins

  • Munnlegt próf
    Munnlega prófið er tekið í bílnum áður en farið er í aksturinn. Spurt er um ýmislegt sem snertir bifreiðina, t.d. ljós í mælaborði, stjórn- og öryggistæki ásamt hluti sem tengjast viðhaldi bifreiðarinnar.

  • Smelltu hér til að sjá þær helstu spurningar sem gætu komið á prófinu

  • Verklegt próf
    Í akstursprófinu er ekið um ákveðnar prófleiðir. Prófdómari skráir niður plúsa og mínusa sem notaðir eru til að reikna lokastig próftakans. Ef heildarstig er undir 80 hefur próftaki ekki staðist prófið.

• Ef þú fellur í prófinu getur þú tekið það aftur að viku liðinni. Sama gjald er greitt fyrir hvert próf sem tekið er.

• Áður en fullnaðarskírteini er gefið út þarf að óska eftir akstursmati hjá ökukennara.

  Ökumaður ræður sjálfur hvaða ökukennari annast aksturmatið fyrir hann og greiðir ökukennaranum fyrir matið samkvæmt gjaldskrá hans.

• Hvað er akstursmat

  • Í akstursmati er kannað hvort mat ökumanns á eigin aksturshæfni, akstursháttum og öryggi í umferðinni sé í samræmi við raunverulega getu hans. Markmið akstursmats er að ökumaðurinn geri sér grein fyrir hæfni sinni og getu í umferðinni með tilliti til umferðaröryggis.

• Hvernig fer akstursmat fram

  • Mat á eigin aksturshæfni og öryggi í umferð.

  • Akstur með ökukennara. Ökukennarinn ákveður hluta akstursleiðarinnar og hluta ákveður ökumaðurinn.

  • Ökumaður leggur mat á eigin akstur, t.d. hvað hefði betur mátt fara og hvað gekk vel.

  • Ökukennarinn veitir endurgjöf.

• Gert er ráð fyrir að akstursmat taki 50 mínútur, þ.e. 30 mínútna akstur og 15 mínútna úrvinnsla og niðurstaða þar sem ökumaður og ökukennarinn ræða hvernig bæta megi öryggi ökumannsins.

• Niðurstaða akstursmats

  • Að akstursmati loknu getur ökukennari staðfest framkvæmdina með rafrænum hætti.

  • Ekki er hægt að falla í akstursmati.

  • Þegar ökukennari hefur staðfest akstursmat getur ökumaður sótt um fullnaðarskírteini.

Smellið hér til að skoða reglugerð um umferðarmerki

Umferðarmerkin á www.aka.is

Æfingar fyrir skriflegt ökupróf er hægt að taka hjá Ökuskóla I og Ökuskóla II.

Einnig er hægt að nýta sér www.aka.is en þar verður nemandinn að skrá sig inn á verkefnavefinn og nota númer ökukennarans til að fá frían aðgang að verkefnunum.